NATO se larny ki silahiyat nahi rakhty .Pakistan Army

**.BZU.** · #1 07-12-2011, 01:02 PM

نیٹو سے لڑنے کی صلاحیت نہیں رکھتے۔ پاک آرمی
Name: nato.jpg
Views: 23
Size: 123.6 KB

Name: nato force.jpg
Views: 85
Size: 108.2 KB

اسلام آباد (خصوصی رپورٹ) پاکستان فوج کے ٹاپ کمانڈروں نے پاکستانی صحافیوں کو منگل کو دی جانے والی بریفنگ میں اس بات کا اعتراف کیا کہ پاکستانی فوج کے پاس نیٹو سے لڑنے کے لیے مطلوبہ جنگی ٹیکنالوجی نہیں ہے اور اس بات کا فیصلہ حکومت پاکستان کو کرنا ہے کہ کیا وہ نیٹو سے جنگ لڑنا چاہتی ہے۔ یہ غیر معمولی بریفنگ نیٹو کے پاکستانی چیک پوسٹ پر ہونے والے حملوں کے بعد راولپنڈی ہیڈ کوارٹر میں دی گئی تھی تاکہ پاکستانی صحافیوں کو اعتماد میں لیا جا سکے اور ان کے ذہنوں میں موجود سوالات کا جواب دیا جائے۔ ان حملوں میں چوبیس پاکستانی فوجی، جن میں دو افسر بھی شامل تھے، گزشتہ ہفتہ کو پاک افغان بارڈر پر مہمند ایجنسی کے علاقے میں نیٹو کے حملہ آور ہیلی کاپٹروں کا نشانہ بنے۔

ذرائع کا دعوی ہے کہ آرمی چیف جنرل اشفاق پرویز کیانی نے آخری لحمے پر اپنا ذہن تبدیل کیا اور بریفنگ خود دینے کی بجائے انہوں نے ڈی جی ملٹری آپریشن کو کہا کہ وہ صحافیوں کو اس واقعہ پر بریف کریں۔ اس پر تمام صحافی حیران ہوئے کیونکہ پہلے سب کو بتایا گیا تھا کہ آرمی چیف خود ان کو بریفنگ دیں گے۔ تاہم کوئی وجہ نہیں بتائی گئی کہ جنرل کیانی نے فیصلہ کیوں تبدیل کیا۔ اس وقت بریفنگ میں تھوڑی سی حیرانی کا عنصر پایا گیا جب حال ہی میں عمران خان کی تحریک انصاف کو جوائن کرنے والے کالم نگار شفقت محمود نے پوچھا کہ انہیں یہ بتایا جائے کہ آخر نیٹو نے یہ حملہ پاکستانی فوجیوں پر کیوں کیا اور اس کے پیچھے ان کے کیا مقاصد تھے؟
اس پر فوجی کمانڈر نے جواب دیا کہ ان کے پاس اس سوال کا جواب ہے کہ یہ حملہ کیوں کیا گیا تھا لیکن وہ صحافیوں کو نہیں بتا سکتے۔
اس پر دی نیوز کے ایڈیڑ محمد مالک نے یہ سوال کیا کہ جس وقت یہ حملہ جاری تھا اس وقت پاکستانی ائیرفورس کو اس چوکی پر حملہ اور نیٹو افواج کے خلاف ایکشن کے لیے کیوں نہیں بھیجا گیا؟
اس پر فوجی افسر نے جواب دیا کہ پاکستان کے پاس وہ جنگی ٹیکنالوجی نہیں جس سے نیٹو کا مقابلہ کیا جا سکتا، اور یہ کہ جنگ کرنے کا فیصلہ حکومت پاکستان کو کرنا تھا۔
اس سے پہلے بریفنگ کرتے ہوئے لیفٹینٹ جنرل وحید ارشد نے بتایا کہ مغربی سرحدوں پر موجود پاکستانی فوج وہاں نیٹو یا ایساف افواج سے لڑنے کے لیے نہیں ہے۔ جنرل وحید جو کہ چیف آف جنرل سٹاف ہیں نے یہ بات اس وقت کہی جب ایک صحافی نے پوچھا کہ پاکستان ائیرفورس کو حملے کے وقت کیوں نہیں طلب کیا گیا۔
ذرائع کا کہنا ہے کہ پاکستان کی دو چوکیوں پر اس نیٹو حملے سے یہ بات بھی کھل کر سامنے آتی ہے کہ سرحد کے پار دونوں کمانڈروں کے درمیان کس طرح کا رابطہ موجود ہے اور اس کے کیا بھیانک نتائج نکل رہے ہیں۔ یہ بات زیادہ پریشان کن ہے کہ یہ حملہ نیٹو کمانڈر کے دورہ پاکستان کے چوبیس گھنٹوں کے اندر اندر ہوا جب وہ پاکستانی فوجی قیادت سے ملاقات اور مزاکرات کرکے ایک دن پہلے ہی واپس گئے تھے۔ جنرل وحید کا کہنا تھا کہ اس حملے کے بعد رابطہ افسر سے رپورٹ مانگی گئی تھی جو اس نے یہ کہہ کر دینے سے انکار کر دیا کہ وہ خفیہ ہے اور شیئر نہیں کی جا سکتی۔
جنرل وحید کا یہ بھی کہنا تھا کہ نیٹو کے ساتھ پاکستان کا باقاعدہ ایک معاہدہ موجود ہے تاہم انہوں نے اس دفعہ اس سارے عمل اور انڈرسٹینڈنگ کی خلاف ورزی کی ہے۔ نیٹو کی اس حملے کی تفتیش کرانے کے وعدے کو اس لیے بھی سنجیدگی سے نہیں لیا جارہا کہ ماضی میں بھی نیٹو پاکستانی سرزمین پر حملے کرتا رہا ہے اور ہر دفعہ نیٹو نے یہ کہا کہ وہ اس واقعے کی تفتیش کریں گے اور کبھی کسی کو پتہ نہیں چلا کہ اس تفتیش کا کیا نتیجہ نکلا تھا اور کون صٰیح اور غلط تھا۔ پاکستانی فوجی قیادت یہ بھی سمجھتی ہے کہ ان انکوائریوں کا نتیجہ امریکہ اور نیٹو کی توقعات، مرضی اور منشا کے خلاف تھا اور اب کی دفعہ بھی یہی کچھ ہونے کا امکان ہے۔ ماضی میں بھی کسی کو کوئی سزا نہیں دی گئی اور اس دفعہ بھی اس کا کوئی بظاہر کوئی امکا ن نہیں لگتا۔
دلچسپ بات یہ ہے کہ نیٹو اور پاکستان دونوں اس حملے کو مختلف انداز سے دیکھ رہے ہیں۔ نیٹو کا کہنا ہے کہ ان پر حملہ ہوا تھا۔ پاکستان کا کہنا ہے کہ نیٹو نے ننگی جارحیت کا مظاہرہ کیا ہے جس میں چوبیس جانیں ضائع ہوئیں۔
پاکستانی فوج کے افسروں کا صحافیوں کو کہنا تھا کہ یہ بات غلط ہے کیونکہ نیٹو کو اچھی طرح علم تھا کہ وہ پاکستانی فوجیوں اور چوکیوں پر حملہ کر چکے ہیں اور انہیں بار بار بتایا بھی گیا تاہم وہ بغیر کسی خوف اور خیال کے یہ حملہ کرتے رہے۔ ان کا کہنا تھا کہ یہ ناقابل یقین بات لگتی تھی کہ نیٹو کے حملہ آوروں کو علم نہیں تھا کہ وہ ایک پاکستانی فوجی چوکی پر حملہ آور ہیں۔
ڈٰی جی ملٹری آپریشنز کے مطابق ، ایک امریکی سارجنٹ نے پاکستانی رابطہ افسر جو کہ ایک میجر کے عہدے کا تھا کو بتایا کہ نیٹو فوج پر مہمند کے علاقے گورا پاڑی کی طرف سے گولہ باری کی گئی تھی۔ اس پر پاکستانی میجر نے کہا کہ وہ اس بات کو کنفرم کر کے دوبارہ اس سارجنٹ سے بات کرے گا۔ اس گفتگو کے سات منٹ کے بعد نیٹو کے دو سے تین ہیلی کاپٹروں نے رات ساڑھے بارہ بجے کے قریب چیک پوسٹ پر حملہ کیا۔ اس حملے کے بعد ولکانو چیک پوسٹ کے ساتھ رابطہ ختم ہو گیا۔
پاکستان آرمی کمانڈرز کے مطابق کمپنی کمانڈر میجر مجاہد کمپنی ہیڈکوارٹر سے نکلا تاکہ وہ نقصان کا جائزہ لے سکے جس پر ان ہیلی کاپٹروں نے ان کے ساتھ موجود فوجیوں پر بھی حملہ کیا۔ وہ جونہی اس پوسٹ کے قریب پہنچے تو ان کی کمپنی پر بھی حملہ ہوا اور پھر دونوں اطراف سے ایک دوسرے پر شیلنگ اور فائرنگ کی گئی اور پاکستان آرمی نے چھبیس کے قریب ائیربرسٹ آرٹلری کے راونڈز فائر کیے۔اس دوران میں نیٹو کے ساتھ تمام کمیونیکشن رابطے بحال کیے گئے اور انہیں بتایا گیا کہ وہ پاکستانی چوکی پر حملہ کر چکے تھے۔ اس پر فوری طور پر ان ہیلی کاپٹروں کو واپس بلا لیا گیا۔ تاہم جب میجر مجاہد اپنی کمپنی کے ساتھ وہاں نقصان کا جائزہ لینے کے لیے اس پوسٹ پر پہنچے تو ایک دفعہ پھر نیٹو کے ہیلی کاپٹرز لوٹ آئے اور انہوں نے پھر حملہ کر دیا۔
اس دوران دلچسپ بات یہ ہوئی کہ جس امریکی سارجنٹ نے پاکستانی میجر سے کنفرمیشن مانگی تھی اسی نے ہی اسے دوبارہ بتایا کہ پاکستان کی ولکانو پوسٹ پر حملہ کیا گیا ہے۔
پاکستان آرمی کا کہنا ہے کہ نیٹو حملے کا شکار ہونیوالے تمام فوجیوں نے وردی پہن رکھی تھی۔ تاہم سوال ابھی بھی موجود ہے کہ نیٹو کو پتہ تھا کہ اس پوسٹ پر پاکستانی فوجی موجود تھے اور وہ یہ جان کر واپس چلے بھی گئے تھے تاہم وہ دوبارہ اس پوسٹ پر کیوں حملہ آور ہوئے تھے۔ کہیں اس حملے کے تانے بانے جنرل کیانی کے اس مکے سے تو نہیں جا ملتے جس کا اشارہ میمو سکینڈل میں بھی کیا گیا تھا ۔
بشکریہ:ٹاپ اسٹوری آن لائن

Thread Tools	Search this Thread
Show Printable Version Email this Page	Search this Thread: Advanced Search
Display Modes	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
Thread	Thread Starter	Forum	Replies	Last Post
Youm-e-Shuhada Ceremony at GHQ Rawalpindi (2011) Pakistan Army - Full length	.BZU.	Youtube Videos/Clips etc	0	13-05-2011 12:19 PM
SMS Propaganda against Pakistan Army	.BZU.	Youtube Videos/Clips etc	0	13-05-2011 12:17 PM
''es terha nahi kerty,rabta to rakhty hain''	snowwhite	Urdu Poetry	1	02-10-2010 12:50 PM
Pakistan disappoints India, Indian saying, Pakistan nay wada pora nahi kia.. LOL	.BZU.	Cricket Videos	1	03-10-2009 10:08 AM
Pakistan Army Song - Qasam Us Waqt Ki by Junaid Jamshed	qadirbakhsh	Paki Video Songs	0	16-05-2008 09:54 PM

Currently Active Users Viewing This Thread: 1 (0 members and 1 guests)