Dil Ma Aik Chubhan Si Hai, Tum KaheiN Se Aa Jao
Har Taraf Agan Si Hai, Tum KaheiN Se Ajao

Gham Ki Bheegi RatoN Ma Apna Dil Nahi Lagta
Aankh Ma Pawan Si Hai, Tum KaheiN Se Aa Jao

Ab Khuli Fizaa Ma Bhi Saans Lena Mushkil Hai
Ab Ajab Ghutan Si Hai , Tum KaheiN Se Aa Jao

Har Khayaal O Khwaab Par, Murdani Si Chaaii Hai
Rooh Pur'Shikan Si Hai, Tum KaheiN Se Aa Jao

Hij'r Ke AndheroN Ma Intezaar Hai Tera!
Dil Ma Ek Kiran Si Hai, Tum KaheiN Se Aa Jao

Sham E Was'l Ke Ghungroo Nachte HaiN SochoN Ma
Phir Wo'hi Chanan Si Hai, Tum KaheiN Se Aa Jao

Kya KahooN is Ishq Ma Mujh Pe Kya Guzarti Hai?
Tan Ma Ek Dukhan Si Hai, Tum KaheiN Se Aa Jao

Baagh O Gul Bhi Ghair HaiN, Dasht Bhi Praye HaiN
Zeest Be'watan Si Hai, Tum KaheiN Se Aa Jao

__________________
MUHAMMAD FURQAN LATIF CH.

QUICKLINX
WIRELESS

House# 341, Block-H, Hazrat Usman Street, Sabzazar Scheem, Multan Road, Lahore.

Tel: 042-37495200, Fax: 042-37495200, Cell: 0321-848 4454